Semeıdegi mektepterdiń birine «bomba qoıyldy»
SEMEI. QazAqparat - Semeıde mektep ǵımaratyna bomba qoıyldy dep jalǵan aqparat bergen azamat ustaldy, dep habarlaıdy QazAqparat Semeı qalalyq ІІB baspasóz qyzmetine silteme jasap.
Eske sala ketsek, keshe keshkisin belgisiz turǵyn «102» nómirine habarlasyp, qaladaǵy №28 orta mektep ǵımaratyna bomba qoıylǵanyn habarlaǵan. Ustazdar men oqýshylardy dúr silkindirgen dabyl sabaq kezinde qaǵylǵan. Habardy estigen boıda dalaǵa bet alǵan oqýshylar men ustazdar tipti uıaly telefondary men sómkelerin alyp úlgermegen. Kıimsiz dalaǵa shyqqan oqýshylardyń jartysy № 37 mektep-gımnazııasyna, qalǵan oqýshylar qalalyq Mádenıet saraıyna ornalastyrylǵan. Keıin ata-analary kelip alyp ketti.
«Oqıǵa ornyna dereý jetken arnaıy qyzmet ókilderi bilim ordasynan eshqandaı jarylǵysh zat tappady. Kóp uzamaı kúdikti azamat qolǵa tústi» delingen habarlamada.
Azamattyń psıhıkalyq aýrýǵa shaldyqqan bolý múmkin. Qazir ústinen qylmystyq is qozǵalyp, tergeý jumystary júrip jatyr. 
