Semeıdegi mektep-ınternatta bala qaıtys boldy
SEMEI. QazAqparat – Semeı qalasynyń Jetim balalar men ata-anasynyń qamqorlyǵynsyz qalǵan balalarǵa arnalǵan mektep-ınternatynda bala qaıtys boldy. Bul týraly Shyǵys Qazaqstan oblysy ákimdiginiń Instagram-daǵy resmı paraqshasynda jazyldy, dep habarlaıdy QazAqparat.
«Oblystyq bilim basqarmasynyń aqparaty boıynsha, 17 tamyzda Semeı qalasynyń «Jetim balalar men ata-anasynyń qamqorlyǵynsyz qalǵan balalarǵa arnalǵan mektep-ınternat« KMM tárbıelenýshisi qaıtys boldy. Óliminiń aldyn ala kórsetilgen sebebi – bas mıynyń isinýi.⠀
Aımaq basshysy Danıal Ahmetovtiń tapsyrmasy boıynsha máseleni egjeı-tegjeıli tekserý úshin arnaıy komıssııa quryldy. Ony ShQO ákiminiń orynbasary Álisher Marhabat basqarady. Jumys tobynyń quramyna qadaǵalaý jáne quqyq qorǵaý organdary, densaýlyq saqtaý basqarmasy, TKQSQBD, sondaı-aq qoǵam ókilderi kirdi.⠀
Ár balanyń ólimi - qaıǵyly jaǵdaı. Sondyqtan ár jaǵdaıdy tolyqqandy zerdelep, zertteý qajet. Aıta ketý kerek, atalǵan másele oblys ákiminiń jeke baqylaýynda», - delingen taratylǵan aqparatta.
⠀
