Semeıdegi medıtsınalyq mekemelerge jeke qorǵanys quraldary men ekspress-testter jetkizildi
Osy aptada Shyǵys Qazaqstanǵa Qytaıda satyp alynǵan medıtsına buıymdary jetkizildi. Salmaǵy 14 tonnany quraıtyn júkte 100 myń ekspress-test, 18 myń qorǵanys kostıými, 80 myń respırator, 10 myń dana qorǵanys maskasy bolǵan.
- Bizdiń oblys qysqa merzimde qytaılyq áriptestermen yntymaqtastyq ornatyp, qajetti medıtsınalyq taýarlardy satyp aldy. Bul buıymdar men arnaıy quraldardy satyp alý jáne tasymaldaý «Paryz» qoǵamdyq qory esebinen qarjylandyryldy, - dedi aımaq basshysy Danıal Ahmetov.
Qalalyq Aqparat ortalyǵynyń málimetine súıensek, búginde ekspress-testter, qorǵanys kostıýmteri, kózildirikter, betperdeler men qolǵaptar Semeı óńirindegi medıtsınalyq mekemelerge jetkizilgen. Jeke qorǵanys quraldary dárigerlerdiń qaýipsizdigin saqtaý úshin qajet. Mamandardyń aıtýynsha, Ýhandaǵy aq halattylar dál osyndaı qorǵanys kostıýmderimen jumys istegen.
Aıta keteıik, qorǵanys quraldarymen oblystyń ınfektsııalyq, provızorlyq jáne observatsııalyq statsıonarlary da qamtamasyz etilmek.