Semeıdegi qurylys alańynan adam súıegi tabyldy
SEMEI. QazAqparat – Semeıdegi qurylys alańynan adam súıegi tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylary qurylys alańynan adam súıeginiń tabylýyna baılanysty tergeý amaldaryn bastady.
«14 qarasha kúni Semeıdegi Novostroıka aýdanynda adam súıegi tabylǵan. Qazirgi ýaqytta atalǵan fakti qalalyq Áýezov polıtsııa bóliminde tirkelip, sotqa deıingi tergeý amaldary qolǵa alyndy. Birqatar sot-medıtsınalyq saraptama taǵaıyndalǵan. Qylmystyq is júrgizý kodeksiniń 201-babyna sáıkes ózge málimetter jarııa etilmeıdi», - delingen aqparatta.
Esterińizge sala ketsek, osyǵan deıin ShQO-da qaıtys bolǵan zeınetkerdiń máıiti páterde 8 kún jatqanyn habarlaǵan bolatynbyz.
