Semeıdegi kóshelerdiń birinde jylý júıesinen aqaý shyqty

SEMEI. QazAqparat – Semeı qalasyndaǵy kóshelerdiń birinde jylý júıesinen aqaý shyqty, dep habarlaıdy QazAqparat tilshisi.

Qala ákimdiginiń málimetine súıensek, 2 jeltoqsan kúni saǵat 17.25-te Ǵabbasov kóshesindegi jylý júıesinde aqaý shyqqan. Oqıǵa ornyna birden tıisti mamandar attanyp, jedel den qoıý jáne qalpyna keltirý jumystaryn júrgizdi. Sonyń nátıjesinde, aqaýlar joıyldy.

«Sondaı- aq «Teplokommýnenergo» MKK qyzmetkerleri shuǵyl áreket jasap, jylý júıesin retke keltirdi. Búgin saǵat 10:15-te jylý kóziniń jumysy shtattyq rejımde qaıta iske qosyldy. Qazir úılerge jylý turaqty túrde berilip jatyr», - delingen aqparatta.

Eske salsaq, buǵan deıin Semeıdegi «Qaraǵaıly» shaǵyn aýdany turǵyndary úıleriniń salqyn ekenin aıtyp shaǵymdanǵan bolatyn.