Semeıdegi kópirden sekirip ketken er adamnyń kim ekendigi anyqtaldy
ÓSKEMEN. QazAqparat - Semeı qalasynyń polıtsııasy kópirden sekirip ketken er adamnyń aty-jóni men jasyn anyqtady. Ol - 31 jastaǵy Erǵazy B.
Oqıǵa ornyna kelgen dárigerler jigittiń ólimin anyqtap, máıithanaǵa jetkizdi. Máıithanaǵa jigittiń áke-sheshesi kelip, óz uldaryn tanydy, dedi qalalyq ІІB baspasóz hatshysy.
Jigit Shyǵys saıajaılyq aýmaǵynda turǵan. Ýaqytsha jumys istemegen. Psıhılogııalyq jaǵynan saý, esh jerde esepte turmaǵan. Jańa aspaly kópirden sekirip ketý sebebin polıtsııa anyqtap jatyr.
Eske sala ketsek, taıaýda áleýmettik jelide jas jigittiń qaza tapqany týraly vıdeo paıda boldy. Jedel járdem dárigerleri jaıaý júrginshiler jolynda kólik qaqqan adam týraly aqparat kelip túskenin aıtty. Oqıǵa ornyna kelgen olar jas jigittiń baqılyq bolǵanyn anyqtaǵan.
