Semeıdegi kópir qurylysy 3 jyldan soń qaıta jandandy
SEMEI. QazAqparat - Semeıdiń Qaıym Muhamedhanov kóshesi boıynda salynyp jatqan jerústi kópiri mamyr aıynda paıdalanýǵa beriletin boldy, dep habarlaıdy QazAqparat.
Ortalyq alańda salynyp jatqan jerústi kópiriniń qurylysy 2014 jyly bastalǵan. Biraq, qurylys jumystaryn qolǵa alǵan óskemendik «Intermaster» fırmasynyń bankrot bolýy saldarynan aradaǵy kelisimshart buzylǵan. Sodan beri nysan qurylysy toqtap turdy. 2017 jyly qaıtadan baıqaý jarııalanady. Onyń qorytyndysy boıynsha jumystardy jalǵastyrý semeılik «Metallıst» seriktestigine júkteldi. Kópir ótken jyly paıdalanýǵa berilý kerek edi. Biraq aıaqtalmaǵan jumystardyń saldarynan qoldanysqa berý merzimi uzartylǵan.
«2017 jyldyń sońynda biz nysan qurylysynyń 95 paıyzyn aıaqtadyq. Qazir ótkeldiń aýmaǵyndaǵy jumystary júrip jatyr. Ol jerge plıtkalar tóselip, jol jıekteri ornatylady. Osyǵan baılanysty kelisimshartty osy jylǵa taǵy da sozdyq. Mamyrda paıdalanýǵa beremiz», - dedi Jolaýshylar kóligi jáne avtokólik joladary bólim jetekshisiniń orynbasary Nurlan Serǵazınov.
Kúrdeli nysannyń quny 62 mln teńge bolyp bekitilgen. Alǵashqy 11 mln teńge 4 jyl buryn bólinipti. 2017 jyly qalǵan 50 mln teńgeden astam qarjy bólinip, qazir jumystar qyzý júrip jatyr.
