Semeıdegi qıyn ómir jaǵdaıyndaǵy balalardy qoldaý ortalyǵyna kómek kórsetildi

SEMEI. QazAqparat – Semeıdegi qıyn ómir jaǵdaıyndaǵy balalardy qoldaý ortalyǵynyń materıaldyq-tehnıkalyq bazasy jańartyldy, dep habarlaıdy QazAqparat Abaı oblysynyń ákimdigine silteme jasap.

Atap aıtqanda, mekemege dezınfektsııalyq kamera, turmystyq tehnıka, ydys-aıaq pen jumsaq jıhaz satyp alýǵa 10 mln teńge bólindi.

Ortalyqtyń 4 bólmesi as úı jabdyqtarymen tolyǵymen jabdyqtaldy. Bul jerde balalar tamaq daıyndaýdyń negizgi daǵdylaryn meńgere alady. Sonymen qatar, ortalyqta demalýǵa arnalǵan bólmege qajet jıhazdar satyp alyndy.

Búginde qoldaý ortalyǵynda 79 tárbıelenýshi bar.

Aıta keteıik, 2022 jylǵy jeltoqsan aıynyń sońynda «Aq Ertis» qory Abaı oblysynyń ákimi Nurlan Uranhaevtyń bastamasymen Semeı qalasynda alǵashqy qaıyrymdylyq ball ótkizgen. Oblystaǵy ata-anasynyń qamqorlyǵynsyz qalǵan balalardy qoldaý ortalyqtaryna kómek retinde 35 mln teńgeden astam qarajat jınaldy.