Semeıdegi káriz-tazartý júıeleriniń 75% kúrdeli jóndeýdi talap etedi - Serikqalı Brekeshev

SEMEI. QazAqparat – Semeı qalasy men Kýrchatov qalalaryndaǵy káriz-tazartý júıeleriniń 75 paıyzy tozǵan. Bul týraly Abaı oblysynyń turǵyndarymen kezdesken Ekologııa, geologııa jáne tabıǵı resýrstar mınıstri Serikqalı Brekeshev málim etti, dep habarlaıdy QazAqparat tilshisi.

«Semeı qalasy men Kýrchatov qalasynyń káriz-tazartý qurylystary 75 paıyzǵa tozǵan. Olar óz kezeginde kúrdeli jóndeý men rekonstrýktsııalaýdy qajet etedi. Bul úshin kóp qarjy qajet. Degenmen, jergilikti atqarýshy organdar ekologııalyq tólemderden túsetin qarajatty osy maqsattarǵa paıdalana alady», - dedi mınıstr.

Málim bolǵanyndaı, Abaı oblysyndaǵy 170 qoqys polıgonynyń tek beseýi ǵana ekologııalyq-sanıtarlyq talaptarǵa saı keledi. Serikqalı Brekeshevtiń aıtýynsha, bul – óte tómen kórsetkish.