Semeıdegi qaraǵaıly orman órtin sóndirý úsh ýchaskede júrip jatyr
NUR-SULTAN. QazAqparat - «Semeı ormany» tabıǵı rezervatyndaǵy qaraǵaıly orman órtin sóndirý jumystary úsh ýchaskede júrip jatyr. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat tilshisi.
Komıtet málimetinshe, qazirgi ýaqytta orman alqabynyń 3 ýchaskesinde jáne jazyq dalalyq jerde órt sóndirilip jatyr. Oǵan oblystyq TDJ, «Semeı ormany», «Ertis ormany» memlekettik orman tabıǵı rezervattarynyń kúshteri men quraldary, jergilikti atqarýshy organ ókilderi jumyldyrylǵan. Jalpy 300-den astam adam men 85-ten astam tehnıka órtpen jumyldyrylǵan.
«Sý tógetin arnaıy qurylǵysy bar MI-8 tikushaǵymen órt áýeden sóndirilip jatsa, MI-2 tikushaǵynyń kómegimen jaǵdaıdy baǵalaý úshin áýeden qaraý jáne órtti sóndirýge qatysty odan arǵy sheshimder qabyljaý júzege asyrylyp jatyr. Órt sharpyǵan boljamdy aýmaq shamamen 2 myń gektardy quraıdy. MI-26T ushaǵy janarmaı quıý úshin Semeı qalasyna aıaldady. Semeıden órt ornyna deıin shamamen 30 mınýtta ushyp jetedi», - dedi vedomstvodan.
