Semeıdegi et konservileý kombınatynda órt tutandy
SEMEI. QazAqparat - Semeı et konservileý kombınatynyń aýmaǵynda órtke oranǵan ǵımarattan 50 lıtrlik gaz ballony jáne 3 atsetılen ballony der kezinde syrtqa shyǵaryldy, dep habarlaıdy QazAqparat Semeı qalasynyń tótenshe jaǵdaılar basqarmasynyń baspasóz qyzmetine silteme jasap.
Jumys aptasynyń sońynda Semeı qalasynyń «101» qyzmetiniń pýltine Krasnoznamennaıa kóshesinde órt tutanǵany týraly habar kelip tústi. Shuǵyl jetken órt sóndirýshiler Semeı et konservileý kombınatynyń aýmaǵynda oqshaý turǵan, qazir paıdalanylmaıtyn 5 qabatty ǵımaratta (burynǵy tońazytqysh tseh) qabattardyń arasyndaǵy aǵash qurylymdar, bólmelerdiń arasyndaǵy qabyrǵalar órtenip jatqanyn anyqtady.
Oqıǵa ornynda jedel shtab jáne eki shuǵyl ýchaske jasaqtaldy. Tilsiz jaýmen kúres kezinde órt sóndirýshiler ǵımarattyń ishinen 50 lıtrlik gaz ballony men 3 atsetıl ballonyn der kezinde syrtqy shyǵaryp úlgerdi.
Jalyn 180 sharshy metr aýdandy sharpyǵan. Órtti sóndirýge 58 adam jáne 9 tehnıka jumyldyryldy.
Oqys oqıǵaǵa órt qaýipsizdigi erejeleriniń saqtalmaýy sebep bolýy múmkin.
