Semeıdegi Ertis ózeniniń jaǵalaýyn nyǵaıtýǵa 1 mlrd teńgeden astam qarjy bólindi
SEMEI. QazAqparat – Semeı qalasyndaǵy Ertis ózeniniń jaǵalaýyn nyǵaıtýǵa 1 mlrd teńgeden astam qarjy bólingen, dep habarlaıdy QazAqparat tilshisi.
Qala ákimdiginiń málimetine súıensek, búgingi tańda Ertis ózeniniń jaǵalaýyn nyǵaıtý jumystary 80 paıyzǵa oryndaldy.
«Jumyspen qamtýdyń jol kartasy» baǵdarlamasy aıasynda iske asyrylyp jatqan jobaǵa 1 mıllıard 444 mıllıon teńge bólingen. Osy jyldyń shildesinde bastalǵan jumystar 2022 jyldyń qańtarynda aıaqtalady dep josparlanyp otyr», - delingen aqparatta.
Jaǵalaýdy nyǵaıtý jumystary tórt ýchaskede júrgizilmek. Atap aıtqanda, Prıstan aýdanynda, «Beıbitshilik» aralynda, Mırnyı jáne Vostochnyı eldi mekenderinde.
