Semeıdegi dúkennen shyqqan órt sóndirildi
SEMEI. QazAqparat – Semeı qalasyndaǵy dúkendi sharpyǵan iri órt sóndirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 16 sáýirde saǵat 10:00 shamasynda Qashaǵanov kóshesindegi dúkennen shyqqan órt saǵat 12:19-da sóndirildi. Jalyn sharpyǵan jalpy aýmaq 500 sharshy metrdi quraǵan.
«Ot shatyrdyń aǵash qurylymdary men taýarlardy sharpydy. Qaza bolǵandar men zardap shekkender joq. Órtti sóndirýge jeke quramnan 60 adam men 12 avtotsısterna jumyldyrylǵan», - dep habarlady vedomstvo ókilderi.
Aldyn ala boljam boıynsha órttiń shyǵýyna peshti jáne elektr jabdyqtaryn ornatý, paıdalaný kezinde órt qaýipsizdigi talaptaryn saqtamaý sebep bolýy múmkin.
Esterińizge sala ketsek, osyǵan deıin semeılik órt sóndirýshilerdiń dúkendi sharpyǵan jalynmen kúresip jatqandyǵyn habarlaǵan bolatynbyz.
