Semeıdegi áýejaıǵa Abaı aty beriletin boldy

SEMEI. QazAqparat - Semeı qalasyndaǵy áýejaıǵa Abaı aty beriledi, dep habarlaıdy QazAqparat.

Respýblıkalyq onomastıkalyq komıssııa qoǵam belsendileriniń Semeı qalasyndaǵy áýejaıǵa Abaı atyn berý týraly usynysyn qoldady.

«Ótken jyly áýejaıdy Abaı atymen ataý týraly usynys túsken. Ony onomastıkalyq komıssııa maquldaǵan soń kúzde respýblıkaǵa jiberilgen bolatyn. Usynys sol jaqtan da qoldaý tapty. Endi resmı jarlyq shyqsa Semeıdegi áýejaıǵa Abaı ataýy beriledi», - deıdi Semeı qalalyq mádenıet jáne tilderdi damytý bóliminiń bas mamany Anargúl Búrkitbaeva.