Semeıdegi áýejaıda reıster sany arttyrylady

SEMEI. QazAqparat – Semeı qalasyndaǵy áýejaıda reıster sany arttyrý josparlanýda, dep habarlaıdy QazAqparat tilshisi.

Abaı oblysynyń ákimi Nurlan Uranhaev Semeıdegi halyqaralyq áýejaıǵa bardy. Bul áýejaı 1982 jyly paıdalanýǵa berilgen.

Áýejaıdyń ótkizý qabileti saǵatyna 200 jolaýshy, onyń ishinde ishki jelilerde 80% jáne halyqaralyq jelilerde 20%. Ǵımarattyń jalpy aýdany - 3500 sharshy metrdi quraıdy. Ushý-qoný jolaǵy betonmen jabylǵan.

«2015-2018 jyldary «Nurly jol» memlekettik baǵdarlamasy boıynsha ushý-qoný jolaǵyn, rýldeý jolyn rekonstrýktsııalaý, sondaı-aq apattyq-qutqarý stantsııasynyń, ortalyq taratý pýnktiniń, qazandyqtyń, sý stantsııasynyń qurylysy jáne aerovokzaldy qaıta jańartý jumystary júrgizildi. Qazirgi ýaqytta «Nur-Sultan – Semeı – Nur-sultan», «Almaty – Semeı – Almaty», «Shymkent – Semeı – Shymkent» baǵyttary boıynsha turaqty avıareıster ushýda. Aldaǵy ýaqytta bul reıster sanyn arttyrý josparlanýda», - dep habarlady oblys ákimdiginiń baspasóz qyzmeti.

Kezdesý barysynda áýejaıdyń qosalqy obektilerine jáne áýe kemeleri úshin 2-den 14 orynǵa deıin turaqtardy ulǵaıtý qajettigi belgili boldy. Budan bólek, qyzmet kórsetetin arnaıy tehnıkalar jańartylýy tıis.