Semeıdegi aspaly kópirdi japondyq kompanııa kúrdeli jóndeýden ótkizedi
Abaı oblysy ákimdiginiń málimetine súıensek, búgin aımaq basshysy Nurlan Uranhaev Semeıdegi aspaly kópirdi jóndeýge qatysty japondyq ITOCHU kompanııasynyń ókilderimen kezdesý ótkizdi. Onda kópirdi zertteýdiń barysy men jóndeý jumystarynyń jospary sóz etildi. Búgingi tańda kópirdegi negizgi jáne júk kótergish qurylymdardaǵy aqaýlar joıylyp otyr.
«Kópirdiń qyzmet etý merzimin uzartý úshin tirek kabelder sý ótkizbeıtin qabatpen jabylýy kerek. Ankerli tirek kabelderi úshin keptirý júıesin ornatý qajet. Asfaltty aýystyrý da kózdelgen. Sondaı-aq aldaǵy ýaqytta kópirdi jaqsy kútip-ustaý úshin onyń jaǵdaıyn júıeli túrde baqylaǵan jón», - dedi oblys ákiminiń orynbasary Dmıtrıı Garıkov.
Qazirgi ýaqytta tıisti jumys jospary belgilendi. Jaqyn arada jobalyq-smetalyq qujattama ázirlenip, kópirge jóndeý jumystaryn júrgizý úshin japondyq kompanııamen konsortsıým qurylmaq.
Aıta keteıik, Semeıdegi aspaly kópiri 2001 jyly salynǵan. Kópirdiń jalpy uzyndyǵy - 1086 metr. Paıdalanýǵa berilgen ýaqyttan beri kútip-ustaý jumystary durys júrgizilmegendikten kópir kúrdeli jóndeýdi qajet etedi.
