Semeıdegi aspaly kópirde kólik terezesinen shyǵyp vıdeo túsirgen túlekterge aıyppul salyndy

SEMEI. QazAqparat – Semeı qalasynda aspaly kópirde kólik terezesinen shyǵyp vıdeo túsirgen túlekter jaýapqa tartyldy, dep habarlaıdy QazAqparat tilshisi.

Abaı oblystyq polıtsııa departamenti baspasóz qyzmetiniń málimetine súıensek, tártip saqshylary áleýmettik jelilerdi monıtorıngileý barysynda Semeıdegi aspaly kópirmen kele jatyp jol qozǵalysy erejelerin aıqyn buzǵan túlekterdiń túsirgen vıdeosyn baıqady.

«TOYOTA» kóliginiń 19 jastaǵy júrgizýshisine qatysty 2 ákimshilik hattama toltyryldy. Atap aıtqanda, QR ÁQBtK 593-baby 1-bóligimen (jolaýshylar men júkterdi tasymaldaý erejelerin saqtamaǵany úshin) 5 AEK – 17250 teńge jáne 612-baby 2-bóligi boıynsha (qujattary joq jáne basqarý quqyǵy joq adamnyń kólik quralyn basqarýy) 20 AEK – 69000 teńge aıyppul salyndy», - delingen aqparatta.

Sondaı-aq kóliktiń 20 jáne 19 jastaǵy jolaýshylaryna qatysty QR ÁQBtK 615-babynyń 1-bóligimen (jaıaý júrginshiler men jol júrisine ózge de qatysýshylardyń jol júrisi qaǵıdalarynyń talaptaryn oryndamaýy) 6900 teńge aıyppul salynǵan.