Semeıdegi aspaly kópir ústinde jol apaty boldy
SEMEI. QazAqparat - Semeıdegi aspaly kópir ústinde jol-kólik oqıǵasy boldy, dep habarlaıdy QazAqparat.
Búgin saǵat 15.30 shamasynda aspaly kópir ústinde ekinshi jolaqtan úshinshige aýyspaq bolǵan «Matiz» júrgizýshisi sońynda kele jatqan «Lada Priora» kóligin baıqamaǵan. Saldarynan «Matiz» aýdarylyp, ishinde otyrǵan 2 adam zardap shekti. Condaı-aq «Hyundai» kóligine de zaqym keldi. Abyroı bolǵanda qaza tapqandar joq. 
«Qazir jol apatynyń sebep-saldary anyqtalýda. Al oqıǵaǵa sebepker «Lada Priora» kóliginiń júrgizýshisi ekeni belgili boldy. Júrgizýshi ústinen QR Ákimshilik quqyqbuzýshylyq týraly kodeksiniń 610 baby boıynsha hattama toltyryldy»,-dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov. 
