Semeıdegi Abaı teatrynda órt shyqty
SEMEI. QazAqparat – Semeı qalasyndaǵy Abaı teatrynda órt shyqty, dep habarlaıdy QazAqparat tilshisi.
Qalalyq Tótenshe jaǵdaılar basqarmasy baspasóz qyzmetiniń málimetinshe, mádenıet ordasyndaǵy órt 19 tamyz kúni saǵat 9.00 shamasynda shyqqan. Anyqtalǵandaı, ottyń shyǵýyna dánekerleý jumystary barysyndaǵy órt qaýipsizdigi erejeleriniń saqtalmaýy sebep bolǵan.
«Qyzyl jalyn qabattar arasyndaǵy tereze oıyǵyn sharpydy. Órttiń jalpy aýdany 10 sharshy metrdi quraǵan. Qazirgi ýaqytta keltirilgen shyǵyn mólsheri anyqtalýda», - dep habarlady vedomstvo ókilderi.
Tilsiz jaý saǵat 09: 36-da sóndirildi.
Aıta keteıik, bul dánekerleý jumystary barysyndaǵy órt qaýipsizdigi erejeleriniń saqtalmaýynan shyqqan ekinshi órt oqıǵasy.
