Semeıdegi Abaı mýzeıi táýelsizdik jyldary qalaı damydy

SEMEI. QazAqparat – Semeı qalasyndaǵy Abaı mýzeıi táýelsizdik jyldary talaı ózgeriske ushyrady, dep habarlaıdy QazAqparat tilshisi.

Jyl saıyn mýzeıdegi bólimsheler sany ósip keledi. Al ekspozıtsııalar jańa biregeı jádigerlermen tolyqtyrylýda. Ýaqyt óte kele mýzeıdiń syrtqy kelbeti de ózgerdi. Búginde zamanaýı ǵımarat barlyq qajetti zattarmen jabdyqtalǵan.

«Bıyl elimiz Táýelsizdiktiń 30 jyldyǵyn atap ótýde. Osy jyldar ishinde mýzeıimiz qarqyndy damydy. Egemendiktiń alǵashqy jyldarynda ol mýzeı-qoryq retinde qaıta quryldy. Mundaǵy bólimshelerdiń kóbi sol ýaqytta ashyldy. Qazirde biz Qazaqstandaǵy eń iri mýzeılerdiń qataryndamyz. Uly Abaıdyń 150 jyldyǵy, keıinnen 175 jyldyǵynda memleket tarapynan úlken qoldaýlar kórsetildi. Mańyzdy is-sharalar ótkizilip, Abaı-Shákárim kesenesin qalpyna keltirý jumystary júrgizildi», - dedi Abaı mýzeıiniń dırektory Meıramgúl Qaırambaeva.

Mýzeıdiń barlyq zaldaryna úsh tilde málimet beretin aqparattyq taqtalar ornatylǵan. Eksponat týraly derekterdi kelýshiler QR-kodty skanerleý arqyly bile alady. Kóptiń nazaryna hakimniń kózi tirisinde óz qolymen ólketaný mýzeıine tabystaǵan eksponattary usynylǵan.