Semeıdegi «Abaı Arena» kesheni jospardan buryn paıdalanýǵa beriledi
SEMEI. QazAqparat - Semeıdegi "Abaı Arena" qurylysy belgilengen merzimnen buryn paıdalanýǵa beriledi. Bul týraly QazAqparat Semeı aqparattyq ortalyǵyna silteme jasap habarlaıdy.
Búginde qurylysy qarqyndy júrip jatqan mədenı-sport keshenindegi jumystar kesteden buryn júrgizilýde. Qurylys alańynda kúnine 700-ge jýyq adam jumys isteıdi. Nátıjesinde keshen osy jyldyń 1 jeltoqsanyna deıin paıdalanýǵa berilmek.
"Arena qurylysy belgilengen kesteden alda kele jatyr. Barlyq baǵyttar boıynsha jumystar júrgizilýde. ıAǵnı biz nysandy merzimnen buryn alýdy josparlap otyrmyz", - dedi Semeı qalasynyń əkimi Ermak Sálimov.
Sonymen qatar qala ákimi shaǵyn aýdanda nesıe júıesi boıynsha kóp qabatty turǵynúıler paıdalanýǵa berilip, páter ıeleri birtindep qonystanatynyn atap ótti.
"Osy jazda abattandyrýmen belsendi aınalysamyz. Bárin qaıta qazbas úshin jol qurylysyn sońyna qaldyrdyq. Búgingi tańda shaǵyn aýdan halyq arasynda suranysqa ıe ekenin aıtqym keledi", - dedi qala basshysy. 
Esterińizge sala keteıik, jańa shaǵyn aýdan qaraǵaıly ormannyń janynda ornalasqan. Kelesi aıda aýdanda muz saraıynyń qurylysy bastalady.
