Semeıdegi «Abaı arena» kesheni bıyl qoldanysqa beriledi
SEMEI. QazAqparat - Semeıde Qaraǵaıly jańa shaǵyn aýdanynda 5 myń oryndyq «Abaı Arena» mádenı-sporttyq kesheniniń qurylysy qarqyndy júrip jatyr. Bul týraly QazAqparat Semeı aqparattyq ortalyǵyna silteme jasap habarlaıdy.
2017 jyly qurylysy bastalǵan mádenı-sporttyq nysan úsh bloktan turady. Búginde birinde árleý jumystary júrgizilip jatsa, úshinshi bloktyń qasbeti 50 paıyzǵa aıaqtaldy.
«Úshinshi bloktyń ishindegi árleý jumystary qysta bastaldy. Keshendi jylýmen jabdyqtaý sol kezde aıaqtalǵan bolatyn. Birinshi jáne ekinshi bloktardyń shatyr bóligindegi jumys tolyǵymen bitti»,-dedi Semeı qalasy ákiminiń orynbasary Nıkolaı Ýshakov.
Nysannyń qurylysyna 8 kompanııanyń 200-den astam adamy tartylǵan.
Merdiger uıymdarǵa jáne tapsyrys berýshiler qazir júktelgen jumystardy belgilengen kestege sáıkes júrgizýde.
Zamanaýı talaptar boıynsha boı kóterip jatqan nysanda ınjenerlik kommýnıkatsııalar, ventelıatsııa, jylytý júıesi, basseınge sý berýge qajetti qural-jabdyqtar sońǵy tehnologııalar boıynsha ornatylýda. Nysan osy jyldyń jeltoqsan aıynda paıdalanýǵa berilmek.
