Semeıdegi 1000 oryndyq jataqxananyń qurylysy nege bitpeı jatyr
NUR-SULTAN. QazAqparat - QR Parlament Májilisiniń depýtattary Úkimet basshysynyń orynbasary Jeńis Qasymbektiń atyna saýal joldady. Ol qujatta bıýdjet esebinen salynatyn nysandardyń sapasyna qatysty máseleler kórsetilgen, dep habarlaıdy QazAqparat tilshisi.
Depýtat Káribaı Musyrmannyń aıtýynsha, elimizde memlekettik bıýdjeti esebinen salynyp jatqan kóppáterli úıler men basqa da áleýmettik nysandardyń sapasyna qatysty syn-eskertpeler áli de kóp.
«Buǵan mysal retinde Semeı qalasyndaǵy memlekettik medıtsına ýnıversıtetiniń 1 000 oryndyq stýdentter jataqxanasyn aıtýǵa bolady. Respýblıkalyq bıýdjetten bólingen 2 mıllıard 246 mıllıon teńgege jýyq qarjyǵa 2014 jyldan bastap salynǵan obekt bes jyldyń ishinde bitpeı, qazir ondaǵy qurylys jumystary toqtap tur. Sebebi osy qurylysty júrgizgen merdigerdiń - Almaty qalasynyń 2-shi sanattaǵy qurylys uıymynyń ondaı iri nysandardy salý tájirıbesi de, qajetti materıaldyq-texnıkalyq bazasy da bolmaǵan. Qazirgi kezde ýnıversıtet «saqaldy nysandy» konservatsııalap, ótken bes jyldyń ishinde qurylys materıaldarynyń qymbattaýyna baılanysty jobalyq-smetalyq qujattamany qaıta qaraý ústinde. ıAǵnı, jataqxana qurylysyna qosymsha qyrýar qarjy bólý jáne jańa merdiger uıymdy tartý qajet bolady», - dedi K.Musyrman búgingi plenarlyq otyrysta.
Onyń sózine qaraǵanda, qurylys salasynda ondaı soraqylyqtarǵa jol bermeý úshin iri nysandardy tek 1-shi sanattaǵy qurylys uıymdaryna ǵana tapsyrý qajet. Zań bar. Alaıda normatıvtik-quqyqtyq aktiler boıynsha iri nysandardyń barlyǵy birdeı 1-sanatqa jatpaıdy. Máselen, QR Ulttyq ekonomıka mınıstriniń 2015 jylǵy buıryǵyna sáıkes, bıiktigi 25 qabattan aspaıtyn turǵyn úıler, joǵary jáne orta arnaýly oqý oryndarynyń, mektepterdiń, mektepke deıingi balalar uıymdarynyń ǵımarattary, bir mezgilde 1 200-ge deıin adam bara alatyn saýda-oıyn saýyq nysandary, aýsymyna 480-ge deıin adam qabyldaıtyn statsıonary joq densaýlyq saqtaý obektileri 2-shi sanatqa, ıaǵnı qalypty jaýapkershilik deńgeıine jatqyzylǵan. Sonyń ishinde mal sharýashylyǵy keshenderi, bordaqylaý alańdary, qus fermalary, jylyjaı keshenderi, sút qabyldaý jáne daıyndaý beketteri sııaqty nysandar da bar. Al mal kesheni men kóppáterli úıdiń qurylysyn teńestirýge bolmaıdy.
«Osyǵan baılanysty mynadaı usynystardy engizemiz. Birinshiden, adamdardyń qaýipsizdigin qamtamasyz etý jáne qurylys sapasyn arttyrý maqsatynda 1-shi sanat, ıaǵnı joǵary jaýapkershilik deńgeıindegi nysandardyń tizbesine barlyq kóppáterli turǵyn úıler men áleýmettik sala nysandaryn engizý máselesin qarastyrý qajet. Ekinshiden, qurylys uıymdaryna qoıylatyn biliktilik talaptaryn kúsheıte otyryp, olardy lıtsenzııalaý, sonyń ishinde 1-shi jáne 2-shi sanattardy berý tártibin barynsha jetildirý kerek», - dep atap kórsetti K.Musyrman.
