Semeıdegi jer silkinisinen keıin qıraýlar tirkelgen joq – TJM

SEMEI. KAZINFORM – Semeıde jer silkinisi tirkelgennen keıin TJM «Qazseldenqorǵaý» mamandary ózen arnalaryna, gıdrotehnıkalyq qurylystarǵa, kóshkin jáne sel qaýpi bar ýchaskelerge monıtorıng júrgizdi.

Vedomstvonyń málimetinshe, sondaı-aq tirshilikti qamtamasyz etý nysandary múmkin bolatyn zaqymdardy anyqtaý maqsatynda tekserilgen.

«Tekserý nátıjeleri boıynsha zaqymdaný tabylǵan joq, qazirgi ýaqytta atalǵan obektiler shtattyq rejımde jumys istep tur. Qıraýlar men zardap shekkender týraly aqparat túsken joq. Jaǵdaı turaqty», – delingen habarlamada.

Aıta keteıik, buǵan deıin Abaı oblysy aýmaǵynda jer silkinisi tirkeldi.