Semeıdegi oıyn-saýyq ortalyǵyndaǵy órtti sóndirýge 120 adam men 21 tehnıka jumyldyryldy
SEMEI. KAZINFORM – Tótenshe jaǵdaılar mınıstrligi Semeıdegi Shuǵaev kóshesindegi oıyn-saýyq ortalyǵyndaǵy órtti aýyzdyqtady. Bul týraly QR Tótenshe jaǵdaılar mınıstrliginiń baspasóz qyzmeti habarlady.
Órtti tolyqtaı sóndirý jumystary áli de jalǵasyp jatyr.
Oqıǵa ornyna 120 adam men 21 tehnıka jumyldyryldy. Tilsiz jaýdy aýyzdyqtaý kezinde ǵımarattyń edeni opyrylyp túsken. Sondaı-aq órtti sóndirýge joǵary órt júktemesi, qatty tútin jáne ǵımarattyń qurylymdyq erekshelikteri kedergi keltirip otyr.
Sonymen qatar Tótenshe jaǵdaılar departamentinde senim telefony ashylǵan: 8 (7222) 35-38-36.
Qazirgi kezde tótenshe jaǵdaıdy joıýǵa arnalǵan arnaıy órt sóndirý jedel shtaby quryldy.
Eske salsaq, buǵan deıin Şýchedegi órtten zardap shekken taǵy eki adam jansaqtaý bóliminde kóz jumǵanyn jazǵanbyz.
