Semeıdegi eski kópir apatty jaǵdaıda tur: qozǵalysqa shekteý qoıyldy

SEMEI. KAZINFORM — Semeıdegi eski kópirdiń apatty jaǵdaıda turǵany anyqtaldy. Bul týraly Abaı oblysy Polıtsııa departamenti habarlady. 

Saraptamalyq tekserý nátıjesinde kópirdiń asa joǵary júktemege ushyrap, apatty jaǵdaıda turǵany anyqtaldy.

— Qaýipsizdik — bizdiń basty basymdyǵymyz. Osyǵan baılanysty kópirdiń tutastyǵy men adamdardyń ómirin saqtaý maqsatynda mańyzdy sharalar qabyldandy, — dedi Semeı qalasy Polıtsııa basqarmasynyń bastyǵy polıtsııa polkovnıgi Qaırat Ábdiǵalıev.

Endi kólik qozǵalysy tórt jolaqtyń ornyna eki jolaqpen júzege asyrylady. Bul shara kólik aǵynyn teń bólýge jáne qurylymǵa túsetin júktemeni azaıtýǵa baǵyttalǵan.

Aıta ketelik Semeıdegi aspaly kópirge zaqym kelgeni týraly habarlaǵan edik.