Semeıdegi birneshe úıdiń aýlasyn sý basqan Qarakól aýylynda jaǵdaı turaqtaldy
SEMEI. KAZINFORM – Semeı qalasy Ozerkı aýyldyq okrýgindegi birneshe úıdiń aýlasyn sý basqan Qarakól aýylynda jaǵdaı turaqtaldy.
Qazirgi ýaqytta Ozerkı aýyldyq okrýginiń Qarakól aýylyndaǵy jaǵdaı turaqty. Sý basqan turǵyn úıler men aýlalar joq.
«Óristen erip aqqan qar sýynyń aǵyny edáýir azaıdy. Eldi mekenge tónip turǵan qaýip joq. Qalǵan qyzyl sýdy burý úshin arnalardy keńeıtý maqsatynda ınjenerlik jumystar júrgizilýde», - dep habarlady Abaı oblysy ákimdiginen.
Abaı oblysynyń Tótenshe jaǵdaılar departamentinen 7 adam jáne 2 tehnıka, jergilikti atqarýshy organdardan 5 adam men 2 tehnıka jumyldyryldy.
Eske salsaq, keshe Semeıdegi Qarakól aýylynda birneshe úıdiń aýlasyn sý basqany habarlanǵan.
Al búgin Aıagózde ózen sýy kóterilip, kópirdi qıratyp ketti.
