Semeıdegi bıologııalyq ortalyqqa kelgender arystandar turǵan qorshaýǵa tas laqtyrǵan
SEMEI. KAZINFORM - Abaı oblysynda bıologııalyq ortalyqtaǵy janýarlarǵa qatygezdik kórsetý deregine baılanysty polıtsııa tekserý júrgizip jatyr.
Kelýshiler janýarlarǵa tas jáne basqa da túrli zattar laqtyrǵan. Oblystyq Polıtsııa departamentiniń málimetinshe, atalǵan oqıǵa boıynsha tekserý bastalǵan.
Qazirgi ýaqytta beınebaqylaý kameralarynyń jazbalary qaralyp, kýágerler anyqtalyp, túsiniktemeler alynýda. Qatysy bar tulǵalar anyqtalǵan soń, olardyń áreketterine zań aıasynda baǵa berilmek.
Bıologııalyq ortalyq ókilderiniń aıtýynsha, mundaı jaǵdaılar sońǵy kezde jıilep ketken. Ókinishke qaraı, ereje buzýshylardyń arasynda eresekter de bar.
— Bul jaı ǵana ermek emes, janýarlarǵa jasalǵan qatygezdik. Sonyń saldarynan olar qorqynysh pen kúızelisti sezinedi, - deıdi mekeme qyzmetkerleri.
Ortalyq mamandary kelýshilerdi jaýapkershilikke shaqyryp, janýarlarǵa zat laqtyrmaý, olardy mazalamaý jáne ruqsatsyz tamaq bermeý syndy qarapaıym erejelerdi saqtaýdy suraıdy.
Eske salaıyq, osyǵan deıin janýarlardy óltirgender 5 jylǵa sottalýy múmkin ekenin jazǵan bolatynbyz
