Semeıde jylýǵa qaryz boryshkerlerge «jaza» qoldanyldy
SEMEI. QazAqparat - Semeıde tutynýshylardyń jylý úshin qaryzdaryn jınaý maqsatynda boryshkerlermen kúres kúsheıtilýde, dep habarlaıdy QazAqparat.
Búgin «Shyǵysenergotreıd» mekemesiniń qyzmetkerleri sot sheshimi shyqqan 50 abonetti jaryqtan ajyratty.
Úsh jyl buryn Semeı qalasy ákimi Ermak Sálimovtiń bastamasymen «Shyǵys energotreıd» jáne «Jylýkommýnenergo» mekemesi basshylarymen birge eki mekeme qyzmeti úshin qomaqty qaryzy bar turǵyndarmen máseleni sheshý maqsatynda arnaıy joba jasalǵan bolatyn. Búgingi kúni joba aıasynda boryshkerlermen kúres kúsheıtilýde. Sebebi, birneshe jyl alǵan kommýnaldyq qyzmeti úshin qaryzyn qaıtarýǵa asyqpaıtyn turǵyndar kóp.
Qazirde jylý berý mekemesi boryshkerler isin sotqa berip, tipti sol arqyly múlik tárkileýge deıin barýda. Al búgingi reıd barysynda sottyń sheshimi shyqqan 50 boryshker abonet elektr jaryǵynan ajyratyldy.
«Qazirgi kezde Semeı qalalyq sotynda 130 mln teńgeden asatyn somaǵa 2500 is oryndalý ústinde. Bul fakti boıynsha jeke sot oryndaýshysy men «VK REK» qyzmekerleriniń qatysýymen reıdtik is-sharalar júrgiilýde. Osylaı kúshtep qaıtarmasaq erikti túrde kelip qaryz tóleıtin turǵyndar joq. Boryshkerlerdi elektr energııasy jelisinen ajyratý kajetti shara bolyp otyr»,- dedi «Jylýkommýnenergo» ótkizý basqarmasy basshysy Gaýhar Jetpisbaeva.
Atalǵan sheshim sot talqylaýlary aıasynda qabyldandy.
«Buǵan deıin boryshker turǵyndar jylýdan ajyratylǵan. Biraq olardan qýlyq arylmaıdy. Óıtkeni kórshileri arqyly jylýdy zańsyz tartyp alatyndar bar», - deıdi mamandar.
Sondyqtan elektr jaryǵynan ajyratýǵa májbúr. Endi turǵyndar jaryqty qosý úshin aldymen jylýdyń aqysyn jáne sot oryndaýshylardyń shyǵynyn tóleýi tıis.
Búgingi kúni turǵyndar arasyndaǵy eń kóp qaryz mólsheri 400 myń teńge.
