Semeıde jylý júıesinen aqaý shyǵyp, jelidegi temperatýra tómendedi

SEMEI. QazAqparat – Semeı qalasyndaǵy shaǵyn aýdandardyń birinde jylý júıesinde aqaý shyqty, dep habarlaıdy QazAqparat tilshisi.

Qala ákimdigi baspasóz qyzmetiniń málimetine súıensek, 10 jeltoqsan kúni saǵat 4:00-de «Energetık» shaǵyn aýdanyndaǵy jylý júıesinen aqaý shyqqan. Sonyń saldarynan úılerdegi jylý azaıtyldy.

«Teplokomenergo» KMM mamandary birden sol jerge kelip, jóndeý jumystaryn qolǵa aldy. Jylý tez arada qalpyna keltiriledi. Qazirgi ýaqytta jóndeý jumystaryna barlyǵy 12 adam tartylǵan», - delingen aqparatta.

Eske salsaq, 2 jeltoqsan kúni saǵat 17.25-te Semeıdegi Ǵabbasov kóshesinde jylý júıesinen aqaý shyqqan bolatyn. Kelesi kúni saǵat 10:15-te jylý kóziniń jumysy shtattyq rejımde qaıta iske qosylǵan.