Semeıde «Jylandar alqabyna» arheologııalyq ekspedıtsııa attandyrylady
ÓSKEMEN. 14 aqpan. QazAqparat - Semeıdiń memlekettik pedagogıkalyq ınstıtýtynda ekspedıtsııanyń qurylýy bastaldy.
Olar oqý demalystary bastalysymen Shyǵys Qazaqstan oblysynyń Tarbaǵataı aýdanyndaǵy arheologııalyq ortada «Jylandar alqaby» ataýymen tanymal qorǵan alqabyn zertteýdi jalǵastyratyn bolady.
Ekspedıtsııaǵa tarıh fakýltetiniń stýdentteri qatysatyn bolady. Jas tarıhshylarmen birge ekspedıtsııaǵa arheologııa professory, JOO oqytýshysy jáne Semeı Memlekettik pedagogıkalyq ınstıtýtynyń janyndaǵy Manash Qozybaev atyndaǵy tarıh jáne áleýmettik-saıası zertteýler ǵylymı ortalyǵynyń ǵylymı qyzmetkeri Amantaı Isın, arheologııa jáne etnologııa magıstri Aıdyn Júnishanov daıyndalýda.
Esterińizge sala keteıik, arheologtar Shyǵys Qazaqstan oblysynyń Tarbaǵataı aýdanyndaǵy qorǵandar alqabynan aqúıekter áýletinen shyqqan jaýyngerlerdiń eski 5 molasyn tapqan bolatyn. Bul jańalyqty Semeı memlekettik pedagogıkalyq ınstıtýty men Á. Marǵulan atyndaǵy Arheologııa ınstıtýtynyń birlesken ekspedıtsııasynyń arheologtary ashty.
2009 jyly alqaptardy zertteý jumysyn SMPI men Á. Marǵulan atyndaǵy arheologııa ınstıtýty birigip jalǵastyrdy.
