Semeıde jyl saıyn úzdik kóshe anyqtalatyn bolady
SEMEI. QazAqparat – Semeı qalasynda jyl saıyn «Úzdik kóshe» aktsııasy ótkizilip, jeńimpaz bolǵan kóshege oıyn nemese sporttyq alań salynady, dep habarlaıdy QazAqparat tilshisi.
Búginde shahar boıynsha «Kóshelerdi qamqorlyqqa alý» jobasy iske asyrylýda. Bundaǵy maqsaty – Semeı kóshelerin abbattandyrý jáne tazalyqty qamtamasyz etý. Endi osy joba aıasynda jyl saıyn «Úzdik kóshe» aktsııasy ótkiziledi. Bul jaıly qala ákimi Baqytjan Baıahmetov málim etti.
«Bul jańa bastama emes. Osyndaı sharalar buryndary da júrgizilgen. Biz sol jumysty jandandyrǵymyz keledi. Men bıýdjettik mekeme basshylaryna hat joldadym. Olar aktsııany qoldap, qatysýǵa nıet bildirdi. Qandaı da bir kósheni qamqorlyqqa alǵan mekeme tazalyqtyń saqtalýyn qadaǵalap qana qoımaı, senbilikter ótkizgeni jón, - dedi ol.
Aktsııa barysynda jyl boıy arnaıy qurylǵan komıssııa maýsymdyq tekserýler júrgizedi. Nátıjeleri jyl saıyn qala kúnin merekeleýde jarııa etiledi. Jeńimpaz atanǵan kóshege balalarǵa arnalǵan oıyn nemese sporttyq alańdar salynbaq.
