Semeıde jyl saıyn 1500-ge jýyq adam qaterli isikke shaldyǵady
SEMEI. QazAqparat – Semeı qalasynda jyl saıyn 1500-ge jýyq adam qaterli isikke shaldyǵady, dep habarlaıdy QazAqparat.
Semeı qalalyq ıAdrolyq medıtsına jáne onkologııa ortalyǵynda «Obyrmen birlese kúreseıik» atty dóńgelek ústel ótti. Búginde Shyǵys Qazaqstan oblysy osy syrqatpen aýyratyndar jáne qaıtys bolǵandar sany boıynsha respýblıkada aldyńǵy úshtikte tur. Jyl saıyn Semeı qalasynda obyrǵa shaldyqqan 1500-ge jýyq adam anyqtalady.
«Ókinishke qaraı, turǵyndar qaterli isikti emdetý úshin dárigerlerge tym kesh kelip jatady. Osynyń saldarynan emdelý paıyzynyń tómen bolatyny túsinikti jaıt. Óńir boıynsha jyl saıyn baýyr obyry, uıqy bezi, búırek jáne ókpe obyry bar naýqastardyń 20 paıyzy aýrýdyń sońǵy satysynda júginedi», – deıdi ortalyq dırektory Marat Sandybaev.
Ótken jyly ıAdrolyq medıtsına jáne onkologııa ortalyǵynda oblys ákimi Danıal Ahmetovtyń qoldaýymen iske asqan úsh jyldyq baǵdarlama aıaqtaldy. Nátıjesinde mundaǵy 592 maman oqýdan ótti, 278 adam onkoortalyq uıymdastyrǵan sheberlik saǵattaryna qatysty. Sondaı-aq 35 maman Eýropa elderindegi medıtsınalyq ortalyqtarda biliktilik arttyrdy.
«Búginde biz syrqatty anyqtaý men emdeýdiń jańa ádisterin qoldanýdamyz. Jyl saıyn ortalyqtyń materıaldyq-tehnıkalyq bazasy jańara túsýde. Osynyń arqasynda oblystaǵy 615, 5 myń adamǵa qyzmet kórsetip kelemiz», – deıdi Marat Sandybaev.
