Semeıde júıitkigen kólik ákesi men ulyn qaǵyp óltirdi
SEMEI. QazAqparat - Semeıde ákesi men balasyn qaǵyp óltirgen júrgizýshiniń ústinen qylmystyq is qozǵaldy. Bul týraly QazAqparat qalalyq ІІB baspasóz qyzmetine silteme jasap habarlaıdy.
«VAZ 2114» markaly kóliktiń júrgizýshisi rettelmeıtin jaıaý júrginshiler ótpelinen ótip kele jatqan 9 jáne 28 jastaǵy uly men ákesin qaǵyp ketti. Bala oqıǵa ornynda kóz jumsa, ákesi aýrýhanada jan tapsyrdy. Qatty jyldamdyqpen kele jatqan kólik júrgizýshisi tejegishti basyp úlgermegen.
Qazir azamattyń ústinen QR Qylmystyq kodeksiniń 345-baby (kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha is qozǵaldy.
«Oqıǵa maýsymnyń 9-ynan 10-yna qaraǵan túni, saǵat 01:30 shamasynda Abaı kóshesinde tirkeldi. Jol-kólik oqıǵasy boıynsha tekserý jumystary júrgizilip, júrgizýshige qatysty sotqa deıingi tergeý bastaldy», - dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
