Semeıde júrgizýshi 2 mln teńge ótemaqy tóleıtin boldy
SEMEI. QazAqparat - Semeıde jaıaý júrginshi qaǵyp óltirgen júrgizýshi eki mıllıon teńge ótemaqy tóleıtin boldy. Bul týraly QazAqparat qalalyq №2 sottyń baspasóz qyzmetine silteme jasap habarlaıdy.
2017 jyldyń qazan aıynda qaladaǵy Táńirbergenov kóshesinde «Toyota» kóliginiń júrgizýshi jaıaý júrginshini qaǵyp, qatty jaraqat saldarynan azamat aýrýhanada kóz jumǵan. Júrgizýshiniń ústinen Qazaqstan Respýblıkasynyń Qylmystyq kodeksiniń 345-babynyń 3-bóligi (adamnyń abaısyzda ólimine ákep soqtyrǵan jol qozǵalysy erejelerin buzý) boıynsha is qozǵaldy.
Sot sheshimimen 2 jyl 6 aıǵa bas bostandyǵynan aıyrylǵan júrgizýshi 5 jyl merzimge kólik quralyn júrgizý quqyǵynan shettetildi. Alaıda talapkerler júrgizýshiniń moraldyq shyǵyn óteýin talap etti. Sot úkimimen talap-aryz qanaǵattandyryldy.
«Talapker óz aryzynda esh jerde jumys istemeıtinin jáne zeınetaqyǵa kún kórip otyrǵanyn jáne bankte nesıesiniń baryn aıtyp shaǵymdandy. Jáne joldasy jol-kólik oqıǵasy saldarynan alǵan dene jaraqattary saldarynan kóz jumǵan. Barlyǵyn eskere kele sot talapkerdiń aryzyn qanaǵattandyrdy»,-delingen habarlamada.
