Semeıde jumysyna mas bolyp keletin ákim qyzmetinen qýyldy

SEMEI. QazAqparat - Semeıdegi Ozerka aýyldyq okrýginiń əkimi Baqytjan Nuǵymanov qyzmetinen bosatyldy. Bul týraly Semeı qalasynyń əkimdigi resmı túrde məlim etti, dep habarlaıdy QazAqparat Altaınıýs saıtyna silteme jasap.

Shendi tulǵanyń ornynan ketýine alkogolge áýestik sebep bolǵan. Anyqtalǵandaı, ol ishimdikti jıi paıdalanǵan. Munymen qoımaı, sol kúıi qoǵamdyq oryndarda jáne əkimdikte jıi tóbe kósetip otyrǵan.

Aqyry onyń bul əreketi oblystyq Ádep keńesiniń nazaryna ilikti. Nətıjesinde shahar basshysyna atalǵan azamatty qyzmetinen bosatýǵa qatysty keńes berildi. Qala əkimi de kóp kúttirmedi. Memlekettik qyzmetkerdiń bedeline nuqsan keltirgeni úshin bildeı bir aýyldy basqarǵan basshy laýazymynan aıyrylyp, jumystan qýyldy.