Semeıde jumyssyz aýyl turǵyndary oqytylyp jatyr
SEMEI. QazAqparat - Semeıdiń shalǵaıdaǵy eldi mekenderinde jumyssyz azamattardy mobıldik bilim berý ortalyqtary arqyly turǵylyqty jerleri boıynsha oqytý júrgizilýde, dep habarlaıdy QazAqparat tilshisi.
Semeı qalasy ákiminiń baspasóz qyzmetinen málim etkendeı, jumyssyzdardy turǵylyqty jerlerinde oqytý Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy aıasynda ótkizilýde.
Aǵymdaǵy jyly Semeı qalasy boıynsha Qaraóleń, Abyraly, Alǵabas, Aqbulaq jáne Aınabulaq aýyldyq okrýgteriniń 70 jumyssyz azamatyn Elektrotehnıkalyq kolledj mobıldik bilim berý ortalyǵy arqyly oqytatyn bolady. Igeriletin mamandyqtar: elektr jáne gazben dánekerleýshi, aspaz-kondıter, kúsh jelileri men elektr jabdyqtarynyń montajdaýshysy, elektrondy esepteý mashınasynyń operatory jáne aspazshy.
Baǵdarlamaǵa qatysýshylar memleket tarapynan tegin bilimmen qatar, aıyna 16 759 teńge kóleminde shákirtaqy alady.
