Semeıde júk kóliginiń júrgizýshisi qurylys alańynda qaza tapty
ÓSKEMEN. QazAqparat - Semeıdegi jóndeý jumystary júrip jatqan burynǵy «Dınamo» stadıonynyń qurylys alańynda júk tıeıtin kóliktiń júrgizýshisi qaza tapty, dep habarlaıdy «QazAqparat» HAA tilshisi.
«40 jastaǵy júrgizýshi tehnıkanyń shómishimen jabyn plıtalaryn tirep turǵan tireýlerdiń birin qulatyp ketken. Júrgizýshi otyrǵan kabınaǵa dál sol betonn plıta qulaǵan», - deıdi Semeı ІІB baspasóz qyzmetiniń jetekshisi Eleýbek Ospanov.
Qazir atalǵan is boıynsha qylmystyq is qozǵalyp, oqıǵanyń sebepteri anyqtalý ústinde.
Aıta keteıik, osydan birneshe jyl buryn «Dınamo» stadıonynda ǵımarattyń kirpish qabyrǵalaryn buzý kezinde shuńqyrǵa qulap taǵy bir jumysshy qaza tapqan bolatyn.
