Semeıde jolaýshylar mingen avtobýs aýdarylyp qaldy
SEMEI. QazAqparat - Semeıde №56 jolaýshylar avtobýsy jyldamdyqty arttyrý saldarynan aýdarylyp qaldy, dep habarlaıdy «QazAqparat» HAA tilshisi.
Oqıǵa túste «Kólik bazary» aýmaǵynda bolǵan. Joǵary jyldamdyqpen kele jatqan avtobýs júrgizýshisi qıylystan ótip ketpekshi bolǵan , alaıda burylyp úlgermegen, sonyń saldarynan avtobýs joldyń jaǵasyna shyǵyp ketip, jolaýshylarmen birge aýdarylǵan.
Apattyń saldarynan 9 adam zardap shekken. Qurban bolǵandar joq.
Avtobýs jolaýshylary júrgizýshige birneshe ret eskertý jasaǵan.
«Esýas júrgizýshi», - dedi jolaýshylardyń biri avtobýstan shyǵyp jatyp.
Qazir oqıǵa ornynda polıtseıler jumys istep jatyr. Zardap shegýshiler túrli jaraqatpen aýrýhanaǵa jetkizildi.
