Semeıde jolaýshylar avtobýsy polıtsııa beketine soǵyldy

SEMEI. QazAqparat – Semeıde jolaýshylar avtobýsy polıtsııa beketine soǵyldy, dep habarlaıdy QazAqparat polisia.kz-ke silteme jasap.

7 tamyzda, kúndiz Dong Fang marshrýttyq avtobýsynyń 58 jastaǵy júrgizýshisi Q.Muhamedhanov kóshesimen kele jatyp, rýlge ıe bola almaı qalǵan. Kólik aldymen, jol belgisine, odan keıin modýldik polıtsııa beketine soǵylǵan.

«Osy kezde eki polıtsııa qyzmetkeri pýnktte qyzmet atqaryp otyrǵan edi. Zardap shekkender joq.

Avtobýs júrgizýshisine qatysty QR Ákimshilik quqyqbuzýshylyq týraly kodekstiń 610-babynyń 1-bóligi boıynsha ákimshilik hattama toltyryldy», - delingen málimette.