Semeıde jolaýshylar avtobýsy órtendi
SEMEI. QazAqparat - Semeıde jolaýshylar avtobýsy órtendi. Órt avtobýs júrip kele jatqanda tutanǵan. Abyroı bolǵanda zardap shekken jolaýshylar joq, dep habarlaıdy QazAqparat.
Oqys oqıǵa saǵat 12.20-da oryn aldy. «MAN» markaly jolaýshylar avtobýsy Dýlatov kóshesinde kele jatqanda órtke oranǵan. Abyroı bolǵanda qoǵamdyq kólik bos bolǵan. Júrgizýshi ózin jaısyz sezingen soń jolaýshylardy «Bazar» aıaldamasynan túsirip ketken.
Al órt shyqqan ýaqytta júrgizýshi syrtqa shyǵyp úlgeripti. Óz betinshe tilsiz jaýdy sóndirmek bolǵan áreketinen túk shyqpaǵan soń oqıǵa ornyna órt sóndirýshilerdi shaqyrǵan.
«Órt avtobýstyń motor bóliginen shyqqan. Jalpy aýmaǵy 36 sharshy metr. Qutqarýshylar jalyndy 40 mınýt degende óshirdi. Sóndirý jumystaryna 3 arnaıy tehnıka men 8 adam jumyldyryldy. Qazir naqty sebepteri men shyǵyn kólemi anyqtalyp jatyr» delingen qalalyq TJB taratqan habarlamada.
