Semeıde jol jóndeýge 1,3 mlrd teńge bólindi
SEMEI. QazAqparat – Semeı qalasynda jol jóndeý jumystaryna 1,3 mlrd teńge bólingen, dep habarlaıdy QazAqparat tilshisi.
Aqparat ortalyǵynda ótken baspasóz máslıhaty barysynda qalalyq Jolaýshylar kóligi jáne avtomobıl joldary bóliminiń basshysy Nurlan Serǵazınov aǵymdaǵy jóndeý jumystaryna 157,5 mln teńge jumsalǵanyn, al qala kóshelerin ortasha jóndeýge 1,2 mlrd teńge bólingenin aıtty.
«Búginde barlyq jumystar aıaqtaldy. Jalpy aýdany 15 myń sharshy metrdi quraıtyn 3 kóshe jóndeldi. Qalanyń 16 kóshesinde ortasha jóndeý jumystary júrgizildi. Sondaı-aq Abaıdyń 175 jyldyǵy aıasynda «Semeı-Qaraýyl» joly jóndeldi. Kóshelerdi jaryqtandyrý jumystary da qolǵa alynǵan. Atap aıtqanda, Selevın men Glınka kósheleriniń boıy jaryqtandyryldy», - dedi ol.
Nurlan Serǵazınovtyń aıtýynsha, budan bólek Jumyspen qamtýdyń jol kartasy baǵdarlamasy aıasynda Boranbaı bı, Stroıtelnaıa, Karmenova, Glınka, Tsementnaıa, Ryskulov, Abaı, Dýlatov syndy buryn asfalt bolmaǵan kóshelerdi ortasha jóndeýge respýblıkalyq bıýdjetten 1,7 mlrd teńge bólingen.
