Semeıde jol apatynan 1 jasar náreste kóz jumdy
SEMEI. QazAqparat – Semeı qalasynda jol apatynan 3 adam jaraqat alyp, 1 jasar náreste qaıtys boldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 16 tamyz kúni saǵat 11.00 shamasynda bolǵan.
«Lada avtokóliginiń 67 jastaǵy júrgizýshisi basty jolǵa shyǵa bergende júk kóligine jol bermeı qoıǵan. Jol-kólik oqıǵasynyń saldarynan jeńil kóliktegi 3 adam jaraqat alyp, 1 jasar náreste oqıǵa ornynda kóz jumdy», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq kodeksiniń 345-baby 3-bóligimen (abaısyzda adam ólimine ákep soqqan jol qozǵalysy erejesin buzý) sotqa deıingi tergeý amaldary bastaldy.
