Semeıde jol apatynan 1 adam kóz jumyp, ekeýi jaraqat aldy
SEMEI. QazAqparat – Semeı qalasynda eki kólik betpe-bet soqtyǵysyp, júrgizýshilerdiń biri jan tapsyrdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Táńirbergenov kóshesinen kópirge qaraı kele jatqan «LADA 21144» avtokóliginiń júrgizýshisi qarsy jolaqqa shyǵyp ketip «LADA Largus» kóligimen soqtyǵysqan.
«Jol-kólik oqıǵasy saldarynan «LADA 21144» júrgizýshisi oqıǵa ornynda kóz jumdy. Al ekinshi kóliktegi 59 jastaǵy júrgizýshi men 80 jastaǵy jolaýshy túrli dene jaraqattarymen Semeı qalasynyń jedel medıtsınalyq járdem aýrýhanasyna jatqyzyldy», - delingen habarlamada.
Atalǵan fakti boıynsha QR Qylmystyq Kodeksiniń 345-baby 3-bóligine sáıkes sotqa deıingi tergeý amaldary bastaldy. Birqatar sot saraptamalary taǵaıyndalyp, sonyń nátıjeleri boıynsha protsessýaldyq sheshim qabyldanady.
