Semeıde jol apaty saldarynan kólikke qystyrylyp qalǵan er adam qutqaryldy
SEMEI. QazAqparat – Semeı qalasynda kólikke qystyrylyp qalǵan er adam qutqaryldy, dep habarlaıdy QazAqparat tilshisi.
ShQO Tótenshe jaǵdaılar baspasóz qyzmetiniń málimetine súıensek, jol-kólik oqıǵasy Semeıdegi Shákárim dańǵyly jáne Dýlatov kóshesiniń qıylysynda boldy.
«Toıota prado» jáne «Vaz» markaly eki kólik soqtyǵysqan. Jol apaty saldarynan «Vaz» avtokóliginiń 41 jastaǵy júrgizýshisi ishte qystyrylyp qaldy. Oqıǵa ornyna №2 mamandandyrylǵan órt sóndirý bóliminiń qyzmetkerleri shuǵyl kelip jetti. Qutqarýshylar zardap shekken adamdy arnaıy quralmen kólikten shyǵaryp, jedel járdem dárigerlerine tapsyrdy», - delingen aqparatta.
Osy rette, departament mamandary qandaı da bir qıyndyqqa tap bolǵan óńir jurtshylyǵyna dereý «112» nómirine qońyraý shalý kerektigin eskertti.
