Semeıde jol apattary jıi bolatyn eski kópir jóndelmek
ASTANA. QazAqparat - Semeıde jarty ǵasyr buryn salynǵan eski kópir jóndelmek, dep habarlaıdy Altaynews .
Qala ákimi Ermak Sálimov kólik júretin eski kópirdi jóndeıtin kez jetkendigin atap ótti. Onyń aıtýynsha, kúrdeli jóndeý jumystaryna qarjy da qarastyrylǵan.
Mamandar kópirdiń apatty jaǵdaıda ekendigin aıtyp, dabyl qaqqaly birneshe jyldyń júzi boldy. Tozyǵy jetip, súıeý baǵandar ábden mújilgen kópirdi jóndeýge 37 mıllıon teńge bólindi.
Bul kópirde jol apattary da jıi oryn alýda. Qala ákiminiń aıtýynsha, jóndeý jumystary bastalmas buryn kópirge saraptama jasalady.
Sondaı-aq ákim jaıaý júrginshilerge arnalǵan trotýarlardy alyp tastaý jáne mashına júretin jolaqty keńeıtý kózdelip otyrǵandyǵyn atap ótti. Jumystar bıyl bastalady dep kútilýde.
