Semeıde joǵalyp ketken er adamnyń denesi tabyldy
SEMEI. QazAqparat – Semeı qalasynda iz-túzsiz joǵalyp ketken er adamnyń denesi tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 2 maýsym kúni polıtsııaǵa habarlasqan áıel aǵasynyń joǵalyp ketkenin aıtty. 55 jastaǵy er adam qaladaǵy Jolaman kóshesindegi úıinen belgisiz baǵytta shyǵyp ketip, sol kúıi qaıtyp oralmaǵan.
«Tártip saqshylary jedel-izdestirý sharalaryna kiristi. Sonyń nátıjesinde, qala aýmaǵynan joǵalǵan adamnyń máıiti tabyldy. Atalǵan fakti boıynsha sotqa deıingi tergeý amaldary bastaldy. Oqıǵanyń barlyq mán-jaıy anyqtalyp jatyr», - delingen aqparatta.
Birqatar medıtsınalyq saraptama taǵaıyndalǵan. Er adamnyń ólimine ne sebep bolǵany sonyń nátıjesinen keıin anyqtalady.
Esterińizge sala ketsek, osyǵan deıin Semeı qalasynda saýda úıine bomba qoıylǵandyǵy týraly jalǵan habar túskenin habarlaǵan edik.
