Semeıde joǵalyp ketken 15 jastaǵy jasóspirim tabyldy
SEMEI. QazAqparat – Semeı qalasynda joǵalyp ketken 15 jastaǵy jasóspirim eki aptadan keıin tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, qyrkúıek aıynyń ortasynda polıtsııaǵa júgingen Semeı qalasynyń 52 jastaǵy turǵyny ulynyń joǵalyp ketkenin jetkizdi. Onyń aıtýynsha, 15 jasar balasy úıden syrtqa shyǵyp ketip, sol kúıi qaıtyp oralmaǵan.
«Polıtsııa qyzmetkerleri birden jedel-izdestirý sharalaryna kiristi. Eki aptadan keıin jasóspirim aman-esen tabyldy. Tártip saqshylary ony qaladaǵy saýda úıleriniń birinen kezdestirgen. Belgili bolǵandaı, ol ata-anasymen birge turǵysy kelmegendikten úıden óz erkimen ketip qalǵan», - delingen aqparatta.
Osy ýaqyt boıy qańǵyp júrgen bala qazirgi ýaqytta otbasyna jetkizilgen. Jasóspirimmen profılaktıkalyq áńgime júrgizildi.
