Semeıde joǵalyp ketken 15 jastaǵy qyz tabyldy
SEMEI. QazAqparat – Semeı qalasynda joǵalyp ketken 15 jastaǵy qyz aman-esen tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 16 tamyzda saǵat 16.30-da polıtsııaǵa habarlasqan áıel qyzynyń iz-túzsiz joǵalǵanyn jetkizdi. Onyń aıtýynsha, túski ýaqytta dúkenge shyqqan 15 jastaǵy qyzy sol kúıi qaıtyp oralmaǵan.
«Tártip saqshylary birden jedel-izdestirý sharalaryna kiristi. Barlyǵy 183 adam, onyń ishinde 33 erikti tartylǵan. 17 tamyz kúni saǵat 22.00 shamasynda jasóspirim aman-esen tabyldy», - delingen habarlamada.
Belgili bolǵandaı, 9 synyp oqýshysy 408 kvartal kóshesinde turatyn ájesiniń úıine bara jatyp adasqan. Joldy taba almaı sharshaǵan ol kóshedegi oryndyqtardyń birine jatyp, uıyqtap ketti. Kelesi kúni «Novostroıka» aıaldamasynda turǵan beıtanys áıelden jol suraǵan. Ol jasóspirimdi ájesiniń úıine deıin shyǵaryp saldy. Qazirgi ýaqytta qyz ata-anasyna jetkizildi.
