Semeıde joǵalyp ketken jasóspirim men boıjetken tabylmaı jatyr
SEMEI. KAZINFORM – Semeı qalasynda úıden belgisiz baǵytta shyǵyp ketken aǵaıyndy boıjetken men bozbala tabylmaı jatyr.
Abaı oblysy Polıtsııa departamenti baspasóz qyzmetiniń habarlaýynsha, Altynaı Ábisheva men Abzal Ábishev 7 sáýirde saǵat 15:00 shamasynda Semeı qalasy Vostochnyı levyı kentindegi jer úıden belgisiz baǵytta shyǵyp ketken. Sol ýaqyttan beri olar múlde habar-osharsyz.
«Aryz túse salysymen polıtsııa qyzmetkerleri jedel izdestirý sharalaryn júrgizýde. Altynaı 18 jasta. Boıy 160-165 sm, dene bitimi aryq, shashy qara. Tizege deıin jasyl kúrtke, qara tústi fýtbolka men krossovka kıgen. Al 16 jastaǵy Abzaldyń boıy 175-180 sm, dene bitimi aryq, shashy ashyq tústi, oń kóziniń astynda tyrtyq bar», - delingen aqparatta.
Osy rette, tártip saqshylary olardy kórgenderden nemese qaıda ekeni jaıly qandaı da bir aqparat biletinderden 102 nómirine habarlasýdy suraıdy.
